Ambulerande skjenkeløyve Det kan gjevast ambulerande løyve for skjenking til slutta lag der det vert teke vederlag for
alkoholhaldig drikke.
Kva er eit slutta lag:
Med slutta lag meiner ein at det allereie før arrangementet tek til er danna ein slutta/privat
krins av personar som samla for eit bestemt føremål i eit bestemt lokale. Det inneber at
arrangementet ikkje er ope for alle. Døme på slutta lag er bryllaup, åremål, jubileum,
firmafestar og liknande, der det vert omsett alkohol.
Ved leige av lokale er det ikkje utleigar som skal søkje, men den som held det slutta laget.
Arrangement som vert haldne av lag og foreiningar er ikkje å rekne som slutta lag. Heller ikkje arrangement med ope billettsal.
For meir informasjon om ambulerande skjenkeløyve og kva som skal reknast som slutta lag,
sjå helsedirektoratet sine heimesider.
Det må søkast minimum 14 dagar før arrangementet/selskapet.
Skjenkeløyve for einskildshøve er for opne arrangement. Eksempel på arrangement: festival, offentlege arrangement og konsertar. Skjenkeløyve for einskildshøve er eit løyve på lik linje med eit fast skjenkeløyve, men vert berre gitt for 1-6 dagar.
Det må søkast minimum 21 dagar før arrangementet/selskapet.
Konsept det ikkje vert gitt løyve til:
• Arrangement som er retta imot barn og unge
• Undervisningsbygg. I kombinerte anlegg for skule og andre føremål kan det ved særlege høve gjerast unntak når desse anlegga vert nytta til kulturelle og sosiale føremål utanom skuletida. Jamfør opplæringslova § 9-5, 2. ledd.
• Campingplassar
• Soner som elles vert rekna som rusfrie, som symjehallar, skisenter, ungdomsklubbar,
bibliotek og idrettsarenaer i samband med idrettsarrangement og idrettsaktivitet.
• Hudpleiesalongar, frisørsalongar, tatoveringsstudio og liknande.
• Gatekjøkken, kioskar, bakeri og liknande konsept
Løyve for varegruppe 3 vert berre gitt til arrangement med middagsservering.
For meir informasjon:
- Lov om omsetning av
alkoholholdig drikk (Alkoholloven)
- Forskrift om omsetning av
alkoholholdig drikk (Alkoholforskriften)
- Rundskriv til
alkoholloven (Helsedirektoratet)
- Meir informasjon om
skjenkeløyve i Ørsta kommune